尷尬到想搵窿捐!9件「超尷尬生活小事」你試過幾多樣?
生活態度

尷尬到想搵窿捐!9件「超尷尬生活小事」你試過幾多樣?

生活中難免會遇到一啲尷尬事情,有時真係尷尬到想搵窿捐,除咗仆親同認錯人之外,你又遇過啲咩尷尬時刻?今次小編就整合咗啲同大家分享,唔知你哋又有無遇過同類情況呢?

1. 亂打招呼

千祈唔好以為戲劇橋段喺電影先會出現,打錯招呼或者亂打招呼其實喺現實生活老是常發生!原來對面嗰個人係同你後面嘅人打招呼,然後你認咗,最後導致兩人超尷尬四目交投。

2. 電梯放屁

▲ Cosmopolitan.com.hk

超尷尬!!!但有陣時真係忍唔到,雖然未必喺響屁,但真係超臭!如果電梯入面有好多人都仲可以詐傻扮懵,但係如果得兩個人真係……尷尬死!

3. 入錯課室

▲ Cosmopolitan.com.hk

唔知大家大學嘅時候有冇試過呢?已經遲到點知仲要入錯咗班房,仲要上咗成15-30分鐘先知,發現點解教嘅嘢同自己課程好似有啲出入嘅。

4. 叫人做媽媽

▲ Cosmopolitan.com.hk

又係成日發生仲要超尷尬!曾經聽過人叫咗同事或者老師做「媽咪」或者「媽媽」,之後比班friend笑咗勁耐!

5. 將路人當店員

▲ Cosmopolitan.com.hk

「唔該我想問吓…..」「唔好意思我唔係喺度做㗎!」唔知有無同類嘅事情發生過喺你身上呢?好多時喺舖頭有啲嘢想問,見到個裝扮似店員嘅人就上前去問,但點知!!!點知佢唔係店員,真係超尷尬!

6. 偷拍被發現

▲ Cosmopolitan.com.hk

點解會唔記得熄閃光燈!曾經試過有朋友喺街見到正妹,決定偷拍佢然後send比朋友,但點知唔記得熄閃光燈,偷拍被捉正,尷尬度100分!

7. 唔記得插耳筒

▲ Cosmopolitan.com.hk

以為自己已經插咗耳筒,但點知之後發現原來耳筒未插實,甚至未插,一路都係電話播緊歌,惹嚟旁人側目!

8. 入錯廁所

▲ Cosmopolitan.com.hk

有陣事真係太急,所以無望清楚標誌就入咗廁所。點知一推門發現入錯廁所,而門入面嘅人都望住你一臉疑惑。

9. 講嘢太大聲

▲ Cosmopolitan.com.hk

以為無人聽到,但係講得太興奮去到一個忘我嘅境界嘅時候,其實所有人都聽到,仲要係講埋啲好尷尬嘅topic。

推薦閱讀:

➤ 做個貼心好姊妹!有些婚禮禮儀是伴娘姊妹團不能犯的

➤ 動物系男友的吵架和好方式,你家男友是哪一種?

➤ 分手,才是殘酷的開始