【後生仔傾吓偈】模仿網民留言方式 麥明詩:我想好想跪喺度……
生活態度

【後生仔傾吓偈】模仿網民留言方式 麥明詩:我想好想跪喺度……

「高登」和「連登」係唔少年青人的聚居地,因為時下玩樂、焦點、社論等主題都有一大堆,而身為貼地港姐的馮盈盈亦曾經話過不時會上連登,新一集《後生仔傾吓偈》以「網絡花生友」為題,一眾KOL同幾位主持都特別投入,FYY一開始就話曾經在討論區有個po係推斷佢帳號名係乜,佢自己睇完眾人的分析後都覺得十分精彩,更笑言呢粒花生好好食,之不過,到底FYY係未真正討論區會員呢?佢就連番咁話:「我真係無account,我淨係睇。」而麥明詩亦都話「開account真係太麻煩」。

好少會見麥明詩口窒喎……

好少會見麥明詩口窒喎……

雖然大家都話自己無ac,但對網民於討論區嘅留言方式都十分之了解,例如係唔少人都用「利申」一詞,麥明詩就以「馮盈盈晚晚都叫到好大聲」作為例子,當大家七嘴八舌指花生友一定會點留言時,麥明詩就好細聲咁話「利申我同佢搞過」,之後到佢再講時,似乎怕去得太盡,「利申我同佢……乜……」講到口窒窒,六號在旁溫提要小心啲 ,即到麥明詩硬吞返想講嘅嘢落肚,取之代之係一陣傻笑。

一講到要模仿巴打、絲打要點留言,FYY一啲都唔輸蝕。

一講到要模仿巴打、絲打要點留言,FYY一啲都唔輸蝕。

六號之後「十四巴港女」事件,與一眾KOL模仿巴打、絲打會在討論區如何留言,FYY即時表現興奮,更指好難控制力度,因為可以去到好盡,並指自己因為被人鬧得多,所以最識點鬧人。結果麥明詩同FYY不約而同咁寫咗「我都想瘋狂被佢啪啪啪」,麥明詩之後仲話「如果FYY比人影到喺街打男友,佢哋就會全部係咁J,我想好想跪喺度幫佢唔知乜……」愈玩愈開心,之後眾人又以「發現女友帳戶每日多二千元」為題,模仿網友會如何留言,FYY好快就寫出「你就fat fat啦」並表示會用綠色字體,即獲眾人讚好,更一致認FYY絕對係資深「CD-Rom」。