戀愛系:一入大學就狠獙另一半
生活態度

戀愛系:一入大學就狠獙另一半

多年前才子陶傑一篇「Come On James」專欄,講述入大學最終都後分手嘅文章,廣傳之後被人拎嚟形容入大學所有離合都叫為「Come on James」。今年又到開學年,唔知又有幾多男版女版嘅James會出現。😢😢😢 其實大學生涯無論一開始定幾時都好,都有大把誘惑,可以從一而終,同另一伴由中學拍拖開始度過大學嘅,可能得10%都無。不過大學前畀另一半飛可能唔係一件壞事!!

認清本心

如果對方一入大學已經變心,其實真係唔使挽留;只係大學一開始已經咁無定力,仲有4年大學生涯一定出事,況且過完大學只係小難關,大難關係畢業出嚟社會,實無得留低,及早斬纜搵個真心好人仲好啦!

成個樹林

講真,讀大學只要你唔係宅到長期收埋自己,其實一定認識大把朋友,可以話係一整個樹林喺你身邊,所以你被人放棄,唔使覺得天跌落嚟,最緊要調整心態,仲有大把前途等緊你!

專注學業

老餅講句,學業為重;好多過來人都會同你講讀書時真係唔好拍拖,其實唔係話怕你無時間讀書,而係好多大學嘅戀情其實都係玩玩下,分手後慳返時間同金錢,可能唔係一件壞事!