接受Offer後又唔想做 你會點做?
職場新手

接受Offer後又唔想做 你會點做?

話嚟見工,最後玩失蹤嘅例子,近年屢見不鮮。有人認為咁做好無責任感兼尊重人;有人覺得問題不大,既然唔啱嘅,果斷斬欖唔再聯絡先明智。

據B2B評級公司Clutch日前公布嘅調查指,有41%受訪打工仔女認為,在搵工過程,若唔需要呢份工嘅話,中斷聯絡對方公司嘅做法合理。至於哪個時間點斷絕聯絡算合理,接近一半人(48%)認為係求職初期;相反,認同係接受公司Offer後「玩失蹤」都合理嘅,只有9%。

該調查訪問了最近半年內返新工嘅507位全職打工仔女,結果顯示,大部分人求職時會斷絕聯絡嘅原因,有30%稱接受了另一份工作,19%稱指派崗位唔適合自己。

另有23%坦言,因為跟對方公司失去聯繫在先,自己才會「玩失蹤」,中斷來往;而當中35%更認為,發生呢種情況,對求職者好唔合理。

雖則調查指出,有55%受訪者稱,每次搵工過程約會放棄1至5份申請,代表佢哋幾多選擇,但真心講句,畢竟同行圈子話大唔話,話細都唔細,打個電話或傳個短訊,通知對方自己嘅決定,只係舉手之勞,留一線,點都令彼此好做啦。

來源:Clutch