老豆玩嘢 每日一個新造型送阿仔出門口
校園生活

老豆玩嘢 每日一個新造型送阿仔出門口

美國猶他州16歲少年Rain,新學年上校車嘅時候,老豆Dale喺屋企同佢揮手拜拜。

對於一位16歲中學生,老豆呢個舉動,相當不能接受。總之俾人覺得自己小學雞啦,唔滿意呀。於是Rain就同阿媽投訴。

結果Dale就同天下間嘅老豆一樣,梗係玩嘢啦!你越叫唔好,佢越要做。

第二日,Dale照舊同個仔揮手講拜拜,不過係著。住。套。婚。紗……

之後每一日,Dale每朝都有唔同造型,送個仔上校車。包括扮《變型俠醫》、《小魚仙》、《星戰》莉亞公主…… 日日唔同,玩足一個學年!

連落雪都玩,絕不欺場!

Dale話,咁玩法都只係用咗$50蚊美金,多數係問朋友鄰居借衫。

 

因為咁,Rain就成為校園「名人」,因為個個都記得「個老豆朝朝扮唔同造型送佢返學嗰個」。

一朝早就要扮鬼扮馬,咁多心思仲要晨早起身,你估易咩?warm過一朝早整定早餐你食呀!

原文傳送門