靚女大晒啊?研究:有啲工靚人係一定做唔到!
職場透視

靚女大晒啊?研究:有啲工靚人係一定做唔到!

人人都話靚仔靚女見工有著數,雖然人靠衣裝但原來有啲工係專門唔請靚人㗎!

英國倫敦商學院一項研究顯示,外表越吸引嘅人就越難搵到啲入門級、唔太需要學歷同埋經驗嘅工作,例如清潔、侍應、保安等工作,因為覺得佢哋冇咁安分,好容易會辭職跳槽。但令人沮喪嘅係,生得靚的確係有著數㗎!因為研究人員透過實驗,用多長張外形上有唔同吸引力嘅人嘅相,然後提出唔同問題畀實驗者選擇答案,例如研究人員要求實驗者挑選相中人適合咩職位,大部分人都覺得生得靚比較適合擔任更高嘅職位,證明人傾向相信外形比較討好嘅人更有資格得到更好嘅工作同待遇,只係面對一啲比較簡單同普通嘅工作時,生得靚嘅人可能就會冇咁著數~