外國調查:61%初級職位要求「唔初級」
職場新手

外國調查:61%初級職位要求「唔初級」

呢個世界搵食艱難,若然係初出茅廬嘅打工仔女,就更加慘。外國求職網站TalentWorks近日一項調查指,有61%初級職位(Entry-level),要求有3年或以上工作經驗。

調查指出,一眾僱主對Entry-level嘅年資要求,每年卻穩步上揚2.8%。換句話說,各大公司要求Entry-level年資會變得愈來愈高,預計喺未來510年,或達最少4年經驗。

事實上,如有5年以上經驗,一般已可申請「Mid-level」;而8年以上更達「Senior級」,故這趨勢實是有啲誇張。幸好數據顯示,喺現實中,Entry-level嘅大部分成功求職者,都係得02年經驗。

假如經驗「不足」嘅後生仔女想提升競爭力,可以考慮花啲時間,搵出邊啲先係真「entry-level」,或以freelance形式「建立」經驗和年資。

調查又指,好少僱主會聘請超過10年經驗嘅人做Senior位。而今年初就有研究指出,年過35歲嘅打工仔,其獲聘用能力每年下降8%

所以話,打工仔女唔易做,年紀輕又嫌無經驗,經驗豐富又嫌人年紀大,真係俾啲老細講晒。

來源:TalentWorks